Քաղաքագետ. Ադրբեջանը փորձում է բացառել Ղարաբաղի ինքնորոշման դրույթը Մադրիդյան փաստաթղթից

ԵԱՀԿ ԱԳՆԽ շրջանակներում որեւէ փաստաթղթի ստորագրումը քիչ հավանական է: Սակայն փաստը, որ բանակցությունները շարունակվում են, դրական երեւույթ է: Այդ մասին NEWS.am-ի թղթկացի հետ զրույցում հայտարարել է քաղաքագետ Ստեփան Գրիգորյանը: «Դրա պատճառն այն է, որ կողմերի դիրքորոշումները զգալիորեն տարբերվում են: Ադրբեջանը ձգտում է փոփոխություններ անել ղարաբաղյան հակամարտության կարգավորման հիմնարար սկզբունքներում»,- նկատել է նա: Քաղաքագետի խոսքով, ադրբեջանական կողմը ձգտում է ձախողել բուն գաղափարն ու մադրիդյան փաստաթղթի սկզբունքներից բացառել Լեռնային Ղարաբաղի վերջնական կարգավիճակի մասին դրույթը, որը պետք է պարտադիր իրավական ուժ ունենա: «Այդ մասին վկայում է Ադրբեջանի նախագահ Իլհամ Ալիեւի վերջին հայտարարությունը»,- ասել է նա: Հուլիսի 16-17-ին Ալմաթայում կայանալու է ԵԱՀԿ ԱԳՆԽ ոչ պաշտոնական գագաթնաժողովը, որի շրջանակներում նախատեսված է Հայաստանի եւ Ադրբեջանի արտգործնախարարների հանդիպումը Ռուսաստանի, Ֆրանսիայի եւ ԱՄՆ-ի իրենց պաշտոնակիցների հետ: