Facebook-ի հայերեն տարբերակը ենթարկվել է թուրք և ադրբեջանցի հաքերների հարձակմանը.վերջիններիս գրառումները դեռ ջնջված չեն

Haynews.am. 5-7-2010- Ադրբեջանցիներն ու թուրքերն այսօր` հուլիսի 5-ին` ՀՀ Սահմանադրության օրը, սադրանքի են դիմել և հարձակում գործել Facebook սոցիալական կայքի հայերեն տարբերակի վրա: Ադրբեջանցի ու թուրք հաքերներն օգտագործել են «Թարգմանություններ» ծրագիրը և հեշտությամբ փոխել Facebook-ի հայերեն տարբերակի տվյալները, քանի որ այն գտնվում է «բետա» տարբերակում և հեշտ է ենթարկվում փոփոխությունների. գործնականում յուրաքանչյուր ոք կարող է առաջարկել իր տարբերակը, ինչպես նաև մասնակցել տարբերակների քվերակությանը: Այսինքն` թուրք և արդբեջանցի հաքերներին հաջողվել է ներմուծել իրենց տարբերակները և մեծ թվով ձայներ ապահովել, ինչի արդյունքում էլ նրանք դրվել են շրջանառության մեջ: Հայերեն տարբերակում անվան տակ հայտնվել է AZERBAIJAN գրվածքը, իսկ կարգավիճակների տեղում տեսնում են KARABAKH IS AZERBAIJANI TERRITORY, AzPatriot FROM AZERBAIJAN, F**K ARMENIA, LONG LIVE AZERBAIJAN և նմանատիպ այլ գրառումներ: Արդեն մի խումբ հայ օգտատերեր դիմել են կայքի ադմինիստրացիային ` ստեղծված իրավիճակը շտկելու պահանջով: Առայժմ ադրբեջանա-թուրքական գրառումները շարունակում են մնալ կայքում: