Ֆուտբոլ. Ընկերական հանդիպում. Հայաստան-Իրան` 1:3

Երևանի «Հրազդան» մարզադաշտում այսօր ընկերական հանդիպում անցկացրեցին Հայաստանի և Իրանի ֆուտբոլի ազգային հավաքականները: Խաղի 38-րդ րոպեին Աղվան Մկրտչյանը բացեց խաղի հաշիվը հաշիվը: Աղվան Մկրտչյանի հեռահար փոխանցումը վերածվեց հարվածի և գնդակը հայտնվեց դարպասում: Դրանից հետո Հայաստանի հավաքականի խաղացողները չօգտագործեցին իրենց պահերը և պատժվեցին: 67-րդ րոպեին հյուրերը հավասարեցրին հաշիվը: Մի քանի րոպեից պարսիկները առաջ անցան հաշվի մեջ: Անհասկանալի գնդակ ընդունեց Հայաստանի հավաքականը: Այն նման էր Աղվան Մկրտչյանի խփած առաջին գոլին: Թված՝ հյուրերի խաղացողը փոխանցում է կատարում, սակայն գնդակը հայտնվեց դարպասում: Մեր ընտրանու գրոհները դրանից հետո արդեն կորցրեցին իրենց սրությունը: Եվ նույնիսկ տասը հոգով մնալուց հետո (Ջավադ Նեկումանը մրցավարի հետ վիճեց և գլխավերևում տեսավ կարմիր քարտ) իրանցիները կարողացան ավելացված ժամանակում ևս մեկ գնդակ ուղարկել մեր հավաքականի դարպասը: