Ադրբեջանը Վրաստանին 500 մլն դոլար է առաջարկում Ռուսաստանից Հայաստան բերվող գազատարի հատվածը գնելու համար

«7 or.am», 24 օգոստոսի 2010թ: Ինչպես հաղորդում են ադրբեջանական ԶԼՄ-ները, Ադրբեջանի տնտեսական և սոցիալական զարգացման կենտրոնի նախագահ Վուգար Բայրամովը հայտարարել է, թե Ադրբեջանը ՝ Ռուսաստանից Հայաստան բերվող գազատարի Վրաստանով անցնող հատվածը (Հյուսիս-Հարավ գազատարը) գնելու համար 500 մլն դոլար է առաջարկում։ Նրա խոսքերով՝ 500 մլն դոլարը բավական գայթակղիչ գումար է Վրաստանի համար, քանի որ մի քանի տարի առաջ Ռուսական «ԳազԱրդ» ընկերությունը գազատարի այդ հատվածը գնելու համար ընդամենը 250 մլն դոլար էր առաջարկել։ Հիշեցնենք, որ Վրաստանի խոհրդարանն օրենք էր ընդունել երկրի ռազմավարական նշանակության օբյեկտների ցուցակից հանել Ռուսաստանն ու Հայաստանը կապող գազատարի վրաստանյան հատվածը և սեփականաշնորհման իրավունք տալ հնարավոր գնորդներին։ Վերջիններիս թվին են պատկանում ռուսական «ԳազԱրդը», ադրբեջանական SOCAR-ը (ԱՀՊՆԸ) և ղազախական «ՂազՄունայԳազ»-ը։