Ադրբեջանի իշխանության վերին օղակներին մոտ կանգնած աղբյուրներից մեկը «Ենի Մուսավաթ» թերթին հայտնել է, որ իշխանության ներսում լուրջ լարվածություն, փոթորիկից առաջ հանգստության մթնոլորտ է տիրում: Ադրբեջանի նախագահական պալատի կուլուարներում խոսակցությունների հիմնական թեման որևէ պաշտոնյայի կամ ազդեցիկ մարդու փոփոխության, իշխանական օղակներում մաքրման գործողությունների իրականացման հարցն է: Հավանական «պաշտոնական զտումների» պատճառը միայն առաջիկա խորհրդարանական ընտրությունները չեն: Վերջին շրջանում տարբեր նախարարների և բարձրաստիճան պաշտոնյաների, նրանց ընտանիքի անդամների, զավակների և մերձավորների գործողությունների մասին մամուլում հայտնված լուրերն ու ադրբեջանական հասարակությունում պտտվող խոսակցությունները միանշանակ զայրացրել են երկրի ղեկավարությանը:
Աղբյուրը «Ենի Մուսավաթին» հայտնել է, որ նախագահ Իլհամ Ալիևը անհանգստություն է հայտնել հատկապես վերջին օրերին ադրբեջանական մամուլում տեղ գտած հրապարակումների վերաբերյալ: «Մասնավորապես խոսքը վերաբերում է նախարարներից մեկի կնոջ` իր մերսորդի հետ փախչելուն, նախարարի կարգավիճակ ունեցող պաշտոնյայի` Լոնդոնում սովորող դստեր և հայ տղայի սիրավեպին և մի շարք այլ սկանդալների, որոնք ենթակա չէին հրապարակման: Իհայտ են գալիս բազմաթիվ փաստեր այն մասին, թե ինչպես են մյուս բարձրաստիճան պաշտոնյաների հարստությունից հոռացած զավակներն ու բարեկամները բռնություններով կեղեքում ու անհանգստացնում ժողովրդին` իրենց «հերոսություններով» հեղինակազրկելով իշխանությանը: Նախագահը միանշանակ համոզվել է, որ պետք է ազատվել բազմիցս զգուշացվելուց հետո իրենց բարեկամներին չսանձահարող, ազգի, պետության հեղինակության մասին չմտածող, բան ու գործը միայն հարստություն դիզելու մեջ տեսնող պաշտոնյաներից: Որոշ նախարարների և պաշտոյաների «լիմիտը» պետության ղեկավարի մոտ վաղուց է ավարտվել և պետք չէ զարմանալ, եթե մոտ ժամանակում մի քանի հրաժարականներ և աշխատանքից հեռացման դեպքեր արձանագրվեն», -հայտնել է «Ենի մուսավաթ»-ի աղբյուրը:
Saturday, August 7, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment