Թուրք դիվանագետ. «Ամենայն հավանականությամբ՝ Թուրքիան ժամանակավորապես կբացի սահմանը»

«7or.am», 25.08.10: «Եթե Թուրքիան չհամաձայնի թույլ տալ իր տարածքով ՆԱՏՕ-ի ստորաբաժանումների մուտքը Հայաստան, ապա սեպտեմբերի 11-17-ը նախատեսված ՆԱՏՕ-ի զորավարժությունները, հնարավոր է, տեղի չունենան»,-ասել է Թուրքիայի ԱԳՆ Եվրասիայի բաժանմունքի ղեկավար Մեհմետ Ֆաթիխ Ջեյլանը։-Տեսականորեն Թուրքիան կարող է չհամաձայնել սարքավորումներ տեղափոխելու նպատակով ժամանակավորապես բացել հայ-թուրքական սահմանը։ Սակայն Հայաստանում ՆԱՏՕ-ի զորավարժություններն ուղղված են լինելու բնության արհավիրքին դիմակայելուն, դրանք ռազմական բնույթ չեն կրելու։ Եթե ՆԱՏՕ-ն զորավարժությունների անցկացման համար Թուրքիայի սահմանով ռազմական տեխնիկա տեղափոխեր, ապա Անկարան միանշանակ չէր տա սահմանը ժամանակավորապես բացելու համաձայնություն։ Այս պարագայում, ամենայն հավանականությամբ, Թուրքիան ժամանակավորապես կբացի Հայաստանի հետ սամանը»,-«Trend»-ին ասել Ջեյլանը