«Ազգ», 21,08,10- Ինչպես տեղեկացանք ՀՀ-ում ԱՄՆ դեսպանության մամուլի բաժնից, սպորտային փոխանակման ծրագրի շրջանակում 24 հայ եւ թուրք պատանիներ ու աղջիկներ հնարավորություն կունենան օգոստոսի 19-29 Թուրքիայում մարզվել ԱՄՆ Բասկետբոլի ազգային ասոցիացիայի` NBA-ի նախկին խաղացող Ջորջ Մուրեսանի ղեկավարությամբ:
Ծրագիրը մեկնարկում է մեկ շաբաթ տեւող մարզական ճամբարով` Թուրքիայի Օրեն բնակավայրում: Երկրորդ շաբաթվա ընթացքում մասնակիցները կլինեն Իզմիրում եւ հանդես կգան ցուցադրական խաղերով:
2011 թ. հունվարին նույն հայ եւ թուրք մասնակիցները կուղեւորվեն Միացյալ Նահանգներ` մարզվելու եւ խաղալու ամերիկացի երիտասարդների հետ: «Հուսով ենք, որ փոխադարձ հարգանքն ու ըմբռնումը այս երիտասարդ մարզիկների միջեւ կծառայեն ի նպաստ Հայաստանի եւ Թուրքիայի` որպես հարեւանների եւ երկու երկրների առավել պայծառ ապագայի», ասաց ՀՀ-ում ԱՄՆ դեսպանության գործերի ժամանակավոր հավատարմատար Բրուս Դոնահյուն:
Մ. ՄԱԿԱՐՅԱՆ
Saturday, August 21, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment