Թուրքիայի նախագահը հանդիպել է Հրանտ Դինքի եղբոր հետ

«7 or.am», 21.08.10- Թուրքիայի նախագահ Աբդուլահ Գյուլը հանդիպել է «Ակոս» թերթի գլխավոր խմբագիր, սպանված Հրանտ Դինքի եղբոր՝ Օրհան Դինքի հետ։ Ինչպես հանդիպումից հետո լրագրողներին անձամբ Օրհան Դինքն է ասել, Թուրքիայի նախագահի հետ խոսակցության ընթացքում շոշափվել են բազմաթիվ հարցեր, ինչպես նաև հիշողություններ են փոխանակել Հրանտ Դինքի մասին։ Թուրքական լրատվամիջոցների փոխանցմամբ՝ հանդիպումը տևել է ավելի քան մեկ ժամ։ Ինչպես ավելի վաղ «Ռեգնում» տեղեկացրել էր գործակալությունը, Աբդուլահ Գյուլն առաջին անգամ ընդունել է Հրանտ Դինքի սպանության հարցում Թուրքիայի պատասխանատվությունը՝ ընդգծելով, որ այդ հանցագործությունը կանխելու միջոցառումները չեն ձեռնարկվել։