News.am. 11-8-2010- Իսրայելը պետք է պատասխանատվության ենթարկվի «Ազատության նավատորմի» վրա հարձակվելու համար: Այդ մասին հայտարարել է Թուրքիայի արտգործնախարար Ահմեդ Դավութօղլուն:
Նա հերքել է մեղադրանքները, թե իր երկիրը աջակցել է «Ազատության նավատորմին», որը մեկնում էր Գազայի հատված: Բելգիայի ԱԳՆ ղեկավար Սթիվեն Վանակերեի հետ համատեղ մամուլի ասուլիսում Դավութօղլուն հայտարարել է, թե «Իսրայելը պետք է պատասխանատվության ենթարկվի` բաց ծովում անմեղ խաղաղ մարդկանց սպանության համար, այլ ոչ թե մեղադրի Թուրքիային»:
Նշենք, որ իսրայելական անկախ հանձնաժողովում կայացած լսումներում վարչապետ Բենյամին Նաթանյահուն մեղադրել էր Թուրքիային` հակամարտությունն իր շահերին ծառայեցնելու մեջ:
Հիշեցնենք, որ մայիսի 31-ին իսրայելական զինվորականները հարձակվել էին «Ազատության նավատորմի» վրա, որը մարդասիրական բեռներ էր տեղափոխում Գազայի շրջափակված հատված: Հարձակման արդյունքում զոհվել էր 9 հոգի:
Իսրայելը անկախ հանձնաժողով է ստեղծել միջադեպի մանրամասները քննելու համար:
Օրերս մի հանձնաժողով էլ ստեղծել է ՄԱԿ-ը, որի կազմում ընդգրկված են Նոր Զելանդիայի նախկին վարչապետ Ջեֆրի Փալմերը, Կոլումբիայի նախկին նախագահ Ալվարո Ուրիբեն, եւ մեկական ներկայացուցիչներ Իսրայելից ու Թուրքիայից:
Wednesday, August 11, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment