News.am. 2-8-2010- Բուլղարացի հնէաբանները վստահ են, որ գտել են Սուրբ Հովհաննես Մկրտչի մասունքները: Արշավախմբի ղեկավար Կազիմիր Պոպկոնստանտինովի խոսքով, մարմարե սարկոֆագի ներսում, որը հայտնաբերվել է Սուրբ Հովհաննես կղզում, գտնվել են սրբի ձեռքերի, ոսկորների, գանգի ու ատամների մասերը:
Նրա մասունքները բացվել են բուլղարական Սոզոպոլիս քաղաքում` Բուլղարիայի ուղղափառ եկեղեցու ու հնեաբանների ներկայությամբ: Հաղորդում է «Վեստի»-ն:
«Մենք վստահ ենք, որ քրիստոնեական հավատի մեծ ճգնավորի մասունքների հայտնաբերման դեպքում Սոզոպոլիսը կդառնա երկրորդ Երուսաղեմ եւ հայտնի կլինի բոլոր ուխտագնացներին»,- ասել է պատմության ազգային թանգարանի նախկին տնօրեն Բոժիդար Դիմիտրովը՝ հավելելով, որ մոտ ժամանակներս կանցկացվի գտածոյի մարդաբանական փորձաքննություն:
Հնեաբանները հիշեցնում են, որ Սուրբ Հովհաննեսի վանքն ու եկեղեցիները տեղակայված են Սուրբ Հովհաննես կղզում եւ իրենց ժամանակին մեծագույն ուղղափառ կենտրոններից մեկն են եղել:
Վանքը հիմնադրվել է Անդրեաս առաքյալի կողմից, ով Սեւ ծովի ափերին քրիստոնեություն էր տարածում: Պեղումները Սուրբ Հովհաննես կղզում շարունակվում են արդեն 3-րդ տարին:
Monday, August 2, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment