ԻՆՔՆՈՐՈՇՈՒՄ ԵՎ ՃԱՆԱՉՈՒՄ

Լուծումներ Լեռնային Ղարաբաղի / Արցախի համար. Ինքնորոշում և ճանաչում

դոկտոր Վահրամ Սողոմոնյան

2010թ., Նոմոս հրատ., Գերմանիա

Գերմանացի, ավստրիացի և հայ հեղինակավոր գիտնականները ներկայացնում և հիմնավորում են Լեռնային Ղարաբաղի ինքնորոշման և ճանաչման իրավունքը՝ միջազգային իրավունքի, քաղաքագիտության, անվտանգության, պատմության և իրավափիլիսոփայության տեսանկյուններից։

Լեռնային Ղարաբաղը/Արցախը իր անկախությունը հռչակել է 1991 թվականին և հանրաքվեով ամրագրել Խորհրդային միության կազմից դուրս գալը: Արցախի ժողովուրդը սեփական ինքնորոշման իրավունքը ևս մեկ անգամ վերանվաճեց Ադրբեջանի կողմից իրեն պարտադրված պատերազմում:

Երկարամյա անարդյունք բանակցություններից հետո այսօր օրակարգ է մտնում Արցախի միջազգային ճանաչման հարցը:

Արցախը տարածաշրջանում համեմատաբար բարձր աստիճանի պետականություն է դրսևորում և այդպիսով հանդիսանում Հարավային Կովկասի անվտանգության կարևոր անկյունաքարերից մեկը: Եվրոպայի համար այն մարտահրավեր է՝ աշխարհամասի արևելյան ծայրամասում սեփական արժեքներին համահունչ երկարաժամկետ անվտանգությանը և բարեկեցությանը նպաստելու համար:

Հեղինակային հոդվածներ.

Օտտո Լուխտերհանդտ (Համբուրգ), Էգբերտ Յան (Մանհայմ), Էքարտ Շտրատենշուլտե (Բեռլին), Ալեքսանդր Մանասյան (Երևան), Մարտին Մալեկ (Վիեննա), Սեբաստիան Վեբեր (Բեռլին), Ֆրանց Էդեր (Ինսբրուք), Դիթմար Շորկովից (Բեռլին) և Քրիստիան Շտադլեր (Վիեննա):

Գիրքը ներկայացվելու է Ֆրանկֆուրտի գրքի ցուցահանդեսում հոկտեմբերի 6-ից 10-ը։

Շնորհանդեսը տեղի կունենա սեպտեմբերի 29-ին, ժամը 10:30-ին Կոնգրես հյուրանոցի Պիկասո դահլիճում: