Քանդաշօղլու. Շուտով Երևան-Վան չվերթներ են իրականացվելու

Panorama.am. 1-10-2010- Վանի առևտրաարդյունաբերական պալատի նախագահ Զահիր Քանդաշօղլուն հայտարարել է, որ Հայաստանում գործող մի կազմակերպություն հանդես է եկել Հայաստան-Թուրքիա օդային ուղևորափոխադրումներ իրականացնող մի ընկերություն հիմնելու նախաձեռնությամբ:
Այս մասին տեղեկացնում է թուրքական «Հաբերգեչ» (Habergec) լրատվական կայքը:
«Էրի-Վան ավիաուղիներ» (Eri-Van Havayolları) անվանումով այդ ընկերությունն արդեն իր գործառույթների վավերացման փուլին է հասել: Քանդաշօղլուի դիտարկմամբ` հայ-թուրքական ցամաքային փակ սահմանի ներկայիս պայմաններում նման ավիաուղիների գործարկումը կարող է մեծապես խթանել զբոսաշրջության զարգացմանը Վանում: Նա տեղեկացրել է նաև, որ մեկ այլ հայկական ֆիրմա էլ, ծրագրել է Վանում բացել հինգաստղանի հյուրանոց: