Տղամարդկանցից հույսը կտրած թայվանուհին կամուսնանա ինքն իր հետ

Tert.am. 22-10-2010- Թայվանի բնակչուհի Չեն Վեյ–Իյը մտադիր է ամուսնանալ ինքն իր հետ։ Պսակադրությունը տեղի կունենա հաջորդ ամիս։

Այդ արարողությանը 30–ամյա կինը մտադիր է հրավիրել իր 30 ընկերներին, իսկ մեղրամիսը կանցկացնի Ավստրալիայում։ Այս մասին հայտնում է Reuters–ը։
Նա նման հուսահատ քայլի դիմում է, քանի որ չի գտել իր կյանքի երկրորդ կեսին, մյուս կողմից՝ իր վրա զգացել է հասարակության ճնշումը իր կարգավիճակի պատճառով։
Նա հույս է հայտնել, որ մյուս չամուսնացած աղջիկները կհետևեն իր օրինակին։
Այդուհանդերձ, կինը պատրաստ է երկրորդ անգամ ամուսնանալ, եթե հարմար տղամարդ գտնի։