Թեպետ ԵԽԽՎ աշնանային նստաշրջանի լիագումար նիստում ընդգրկված հարցերն ուղղակիորեն չէին առնչվում Հայաստանի ներքին եւ արտաքին քաղաքականության խնդիրներին, սակայն Հայաստանի վերաբերյալ հարցեր, այնուամենայնիվ, լիարգումար նիստի ընթացքում հնչեցվել են։Հոկտեմբերի 12-ին տեղի ունեցած մամուլի ասուլիսի ժամանակ այս մասին հայտարարեց ԵԽԽՎ-ում հայկական պատվիրակության անդամ, «Ժառանգություն» կուսակցության պատգամավոր Զարուհի Փոստանջյանը։
Նրա խոսքով, ներքին քաղաքականության վերաբերյալ ինքը ներկայացրել է մի փաստաթուղթ, որն առնչվում է 2010 թվականի 10-ին «Հեռուստատեսության եւ ռադիոյի մասին» օրենքում փոփոխությունների փաթեթի քննադատությանը:
«Հայաստանի արտաքին քաղաքականությանը վերաբերող հարցերի թվում ես բարձրացրել եմ նաեւ Լեռնային Ղարաբաղի ինքնորոշման, ԵԽԽՎ-ի առջեւ Ադրբեջանի ստանձնած պարտավորությունների կատարման, ինչպես նաեւ Ադրբեջանում մահացած հայ գերուն առնչվող հարցեր»,-տեղեկացրեց Փոստանջյանը՝ ավելացնելով, որ նմաօրինակ փասաթղթերի շրջանառությունը ԵԽԽՎ-ում շատ կարեւոր է։
ԵԽԽՎ-ում հայկական պատվիրակության ներկայացուցիչը նկատեց նաեւ, որ արտաքին քաղաքականության ոլորտում Ադրբեջանը բավական արդյունավետ է աշխատում եւ վերջին 10 տարիների ընթացքում բավական արդյունավետ է օգտագործել եվրոպական այդ կառույցի ամբիոնը։ «Հաշվի առնելով այն հանգամանքը, որ ԵԽԽՎ-ում Ադրբեջանը մեծաքանակ փաստաթղթեր է դրել շրջանառության մեջ, կարող եմ ասել, որ մեր պատվիրակությունը եւս այս անգամ այս ուղղությամբ հնարավորինս լավ աշխատանք է տարել»,- ամփոփեց Փոստանջյանը։
Tehran Time
Yerevan Time
No comments:
Post a Comment