Ս.թ. հոկտեմբերի 17-19-ը Երեւանում (Վ. Սարգսյան 26/1, Էրեբունի Պլազա բիզնես կենտրոն, 9-րդ հարկ ՙԷրեբունի՚ դահլիճ) ՀՀ սփյուռքի նախարարությունը ՀՀ կենտրոնական բանկի եւ Հայաստանի բանկերի միության հետ համատեղ հրավիրում է ֆինանսիստների եւ բանկիրների համահայկական առաջին համաժողովը, որին կմասնակցի շուրջ 100 մասնագետ աշխարհի 10 երկրներից: Համաժողովի նպատակն է ֆինանսիստների և բանկիրների համահայկական ընկերակցության ստեղծման միջոցով նպաստել հայ ֆինանսիստների և բանկիրների համագործակցության ակտիվացմանը:
Բացմանը կմասնակցեն ՀՀ Վարչապետ Տիգրան Սարգսյանը, ՀՀ սփյուռքի նախարար Հրանուշ Հակոբյանը, ՀՀ կենտրոական բանկի նախագահ Արթուր Ջավադյանը, ՀՀ Կառավարության անդամներ եւ այլ պաշտոնատար անձինք:
Նախատեսվում են զեկույցներ ՙՀայաստանի Հանրապետության ֆինանսական համակարգի զարգացումները. մարտահրավերներ եւ ձեռքբերումներ՚, ՙՀայաստանի բանկային համակարգը որպես back-office ծառայություններ մատուցող. սահմանափակումներն ու հնարավորությունները՚, ՙՖինանսական կրթության խնդիրները Հայաստանում՚, ՙՍփյուռքի մասնագիտական ներուժը ՀՀ ֆինանսական ինստիտուտների կառավարման գործընթացներում՚ թեմաներով:
Համաժողովի մասնակիցները կայցելեն Ծիծեռնակաբերդի հուշահամալիր, Մայր Աթոռ Սուրբ Էջմիածին եւ Փարաջանովի անվան տուն-թանգարան:
Tehran Time
Yerevan Time
No comments:
Post a Comment