Բաքուն դրական է գնահատում աստրախանյան հանդիպումը

Պաշտոնական Բաքուն մեկնաբանել է Աստրախանում Ադրբեջանի, Հայաստանի և Ռուսաստանի նախագահների միջև ստորագրված հռչակագիրը։

«Որպես Ադրբեջանի, Ռուսաստանի և Հայաստանի պետությունների ղեկավարների հանդիպման դրական արդյունք է եղել՝ հռչակագրի ստորագրումը, որը պարզություն է մտցրել ղարաբաղյան պատերազմի հետևանքով ռազմագերիների ու զոհվածների դիակների վերադարձման հարցում»։
Այդ մասին հինգշաբթի թղթակիցներին ասել է Ադրբեջանի նախագահի աշխատակազմի հասարակական-քաղաքական հարցերով բաժնի վարիչ Ալի Հասանովը։
Նրա խոսքերով՝ տվյալ խնդիրը երկար ժամանակ անհանգստացրել է ադրբեջանական ժողովրդին, հատկապես ադրբեջանցի Մուբարիզ Իբրահիմովի դիակի վերադարձման հարցը։ «Կարծում եմ, որ երեկվա հռչակագրից հետո տվյալ հարցը նույնպես կգտնի իր լուծումը»,- ասել է Ալի Հասանովը։