ՀՀ արտգործնախարար Էդվարդ Նալբանդյանը հույս ունի, որ հոկտեմբերի 27–ին Աստրախանում կայացած Սարգսյան–Ալիև–Մեդվեդև հանդիպումը նույնքան արդյունավետ և օգտակար կլինի, որքան ՌԴ նախագահ Դմիտրի Մեդվեդևի նախաձեռնությամբ վերջին երկու տարիներին կազմակերված մյուս վեց հանդիպումները։ Այս մասին նա լրագրողներին ասաց Աստրախանից Երևան վերադարձի ճանապարհին՝ օդանավում։«Այսօր Հայաստանի, Ռուսաստանի և Ադրբեջանի նախագահները Աստրախանում քննարկեցին ԼՂՀ հիմնախնդրի կարգավորման մանրամասները։ Առաջինը՝ վերահաստատեցին «Մայնդորֆում» 2008թ. նոյեմբերի 2–ին ընդունված հռչակագրի դրույթները։ Երկրորդ՝ ընդգծեցին, որ քաղաքական–դիվանագիտական ճանապարհներով հիմնախնդրի կարգավորման համար անհրաժեշտ է լրացուցիչ քայլեր ձեռնարկել ռազմական ոլորտում փոխվստահության, նաև հրադադարի ռեժիմի ամրապնդման ուղղությամբ։ Երրորդ՝ պայմանավորվածություն ձեռք բերվեց փոխանակել ռազմագերիներին և վերադարձնել դիակները և այս պայմանավորվածությամբ առաջնորդվել նաև ապագայում։ Նաև նախագահները արտգործնախարարներին հանձնարարեցին շարունակել բանակցությունները, փորձել պայմանավորվածության գալ հիմնախնդրի կարգավորման հիմնարար սկզբունքների շուրջ՝ մինչև դեկտեմբերի սկզբին Աստանայում անցկացվելիք ԵԱՀԿ–ի գագաթնաժողովը»,– ասաց Նալբանդյանը։
Tehran Time
Yerevan Time
No comments:
Post a Comment