Panorama.am. 19-10-2010- Վաշինգտոնում կայացած ամերիկաթուրքական խորհրդի (ATC) տարեկան համաժողովին Թուրքիայի պետնախարարներից ու պաշտպանության նախարարից բացի մասնակցել է նաև զինված ուժերի Գլխավոր շտաբի բարձրաստիճան զինվորական, կորպուսի գեներալ Մեհմեթ Էմին Ալփմանը: Նա գոհունակություն է հայտնել Թուրքիայի և ԱՄՆ-ի կողմից ահաբեկչական ճանաչված «Քրդական բանվորական կուսակցության» (ՔԲԿ-PKK)-ի դեմ մղվող պայքարում թուրք-ամերիկյան արդյունավետ համագործակցության կապակցությամբ: Ալփմանը նշել է, որ Վաշինգտոնը և Անկարան շարունակում են համագործակցել ահաբեկչության դեմ պայքարում, միջուկային անվտանգության, հակահրթիռային պաշտպանության և տարածաշրջանային մի շարք հարցերում: Ընդգծել է Թուրքիայի կարևոր դերակատարությունն ԱՄՆ-ի աշխարհաքաղաքական հետաքրքրությունների տիրույթում, քանի որ Թուրքիան գտնվում է մերձավորարևելյան, Բալկանյան և կովկասյան անկայուն տարածաշրջանների կենտրոնում:
Թուրք գեներալը նշելով, որ Թուրքիայի հարավկովկասյան քաղաքականությունը տարածաշրջանում լայնընդգրկուն համագործակցության ապահովմանն է միտված, շեշտել է, որ իրենք շարունակում են աշխատել Հայաստանի հետ հարաբերությունների կարգավորման ուղղությամբ` չնայած 1915 թվականի իրադարձությունների խոչընդոտ լինելուն: Ըստ նրա` հենց այդ ճանապարհով է հնարավոր ներդրում ունենալ տարածաշրջանի անվտանգության ու համագործակցության խնդրում:
Tehran Time
Yerevan Time
No comments:
Post a Comment