2010թ. նոյեմբերի 13-ին և 14-ին, Թեհրանի Ս. Սարգիս եկեղեցում, թեմիս առաջնորդ Տ. Սեպուհ արք. Սարգսյանի ձեռամբ և ի ներկայության համայնքի հոգևոր և աշխարհիկ ներկայացուցիչների և բազմաթիվ հավատացյալների, տեղի ունեցավ, Մեծի Տանն Կիլիկիո կաթողիկոսության քահանայական դասընթացներն ավարտած, Արբի սրկ. Ներսիսյանի և Արվին սրկ. Շահմիրյանի քահանայական կոչման, ձեռնադրության և օծման արարողությունները, խարտավիլակությամբ Տ. Ստեփանոս վրդ. Փաշայանիª Ուրմիայից և Տ. Թորգոմ աբղ. Տոնոյանիª Լիբանանից, որոնք Սրբազան Հոր հատուկ հրավերով էին արարողությանը մասնակցում:Նորընծաները բարձրացնելով ձեռքերը, հրաժարվեցին աշխարհիկ կյանքից, ապա, ըստ ՙՁեռնադրության Մաշտոց՚-ի, ստացան քահանայական փիլոն և պատարագի զգեստներ: Ձեռնադրող Սրբազանը սրբալույս մեռոնով օծեց քահանայական լրիվ զգեստավորության մեջ գտնվող նորընծաների ճակատները, Արբի սարկավագին վերանվանելովª Գրիգորիս քահանա, իսկ Արվին սարկավագինª Արիստակես քահանա: Օծումից հետո նորընծաներին տրվեց սկիհ ու մաղզմաª ի նշան պատարագ մատուցելու իշխանության:
Նորընծաները խոստացան ՙյանձն առնուլ և կատարել զամենայն հրամանս սրբոց առաքելոցն և հայրապետացն և կալ ըստ կանոնաց նոցա՚, ՙամենայն պատրաստութ-եամբ և առանց ձանձրանալոյ կալ ի պաշտօնն Աստուծոյ՚ և պահել ՙզդաւանութիւն ուղղափառ հաւատոյ, ընդ սուրբ Հայրապետսն ըստ երից սուրբ ժողովոց՚:
Հանդիսավոր արարողության ավարտին բովանդակալից քարոզ խոսեց Սրբազան Հայրը: Այնուհետև Ս. Սարգիս եկեղեցու խորհրդի կողմից տեղի ունեցավ հյուրասիրություն:
Հիշատակելի է, որ կնքահայրության պարտականությունը հանձնված էր դոկտ. Արամայիս Ներսիսյանին և Հրայր Շահմիրյանին:
Նորընծա քահանաները այժմ, Սրբոց Թարգմանչաց եկեղեցում, իրենց քառասնօրյա պատրաստության և ապաշխարանքի շրջանն են անցկացնում:
ՙԱրաքս՚ շաբաթաթերթի խմբագրությունը շնորհավորում է նորընծաներին, այն հույսով, որ նրանք անմնացորդ կերպով և ազնվորեն կնվիրվեն հայ եկեղեցու և ժողովրդի ծառայության:
ՙԱՐԱՔՍ՚ Թիվ 202,
Tehran Time
Yerevan Time
No comments:
Post a Comment