Panorama.am. 13-12-2010- Թուրքիայի արտգործնախարար Ահմեթ Դավութօղլուն Թուրքմենստան մեկնելիս օդանավում զրուցել է լրագրողների հետ: Անդրադառնալով ամերիկյան դատարանի օրերս կայացրած վճռին, ըստ որի Հայոց ցեղասպանության զոհերի ժառանգները կարող են հատուցման պահանջով դատական հայց ներկայացնել ապահովագրական ընկերությունների դեմ, ասել է. «Իրավական գործընթաց կար, որի ժամանակ երկուսից մեկը փոխեց իր տեսակետը: Ինչո°ւ փոխեց, անհրաժեշտ է պարզել: Գործընթացը վերջնականացված չէ»:Դավութօղլուն նաև նշել է, որ Ցեղասպանության հարցում սենատից և նախագահից այդպիսի պահվածք չէր սպասում: Արտգործնախարարը հայտնել է, որ կովկասյան համագործակցության պլատֆորմի աշխատանքները շարունակվում են, իսկ «հայկական ճակատում» դեռ ոչինչ չկա:
Հիշեցնենք, որ ԱՄՆ 9-րդ դաշնային վերաքննիչ դատարանի կայացրած որոշման համաձայն` Հայոց ցեղասպանության ճանաչումը Կալիֆոռնիայի նահանգում չի հակասում ԱՄՆ արտաքին քաղաքականությանը: Այդ որոշումը հետայսու վերացնում է այդ արգելքը, և 1915 թվականի Հայոց ցեղասպանության ժամանակ տուժածների հարազատներն այս որոշման հիման վրա կարող են ամերիկյան ապահովագրական ընկերություններին դեմ հայց ներկայացնել և պահանջել հատուցում:
Tehran Time
Yerevan Time
No comments:
Post a Comment