Panorama.am. 8-12-2010- Թուրքիայի եվրաանդամակցության գլխավոր բանագնաց, պետնախարար Էգեմեն Բաղըշը Դանիայում գտնվող Եվրամիության ներկայացուցչությունում հայտարարել է, որ Թուրքիան 2014 թվականի հունվարի մեկին պատրաստ կլինի ԵՄ լիիրավ անդամակցությանը: Այս մասին տեղեկացնում է թուրքական «Հյուրրիյեթ» (Hurriyet) պարբերականը:Հայաստան-Թուրքիա հարաբերությունների վերաբերյալ էլ Բաղըշն ասել է, որ երկկողմ հարաբերությունների բնականոնացման ուղղությամբ քայլեր է կատարել: Հերթական անգամ ընդգծել է, որ քանի դեռ ղարաբաղյան խնդիրը շարունակում է մնալ չլուծված, անհնար է, որ թուրքական մեջլիսը վավերացնի Հայաստանի հետ ստորագրված արձանագրությունները:
Թուրքիայի պետնախարարը միևնույն ժամանակ նշել է, որ իրենք հայերի հանդեպ լցված չեն ատելությամբ, այլապես իրենց երեխաներին չէին հանձնի հայուհի դայակների խնամքին ու դաստիարակությանը:
Tehran Time
Yerevan Time
No comments:
Post a Comment