News.am. 8-12-2010- Հաջորդ տարի Ադրբեջանը Թուրքիայի հետ համատեղ կսկսի տարբեր անվանումների ռազմական տեխնիկայի արտադրություն: Ինչպես ադրբեջանական APA գործակալությանը հաղորդում են ռազմական աղբյուրները, կողմերն արդեն համաձայնության են եկել համատեղ արտադրություն սկսելու ծրագրերի շուրջ:Մասնավորապես, հոկտեմբերի վերջին Ադրբեջանի պաշտպանական արդյունաբերության նախարարության եւ թուրքական Otokar ընկերության միջեւ արձանագրություն է ստորագրվել համատեղ զրահատեխնիկա արտադրելու մտադրությունների մասին:
Պայմանավորվածությունների շրջանակում ռազմական տեխնիկան եւ անհրաժեշտ դետալները կբերվեն Թուրքիայից եւ կհավաքվեն Ադրբեջանում:
Դեկտեմբերի վերջին Բաքվում Ադրբեջանի եւ Թուրքիայի պատվիրակությունները կքննարկեն պաշտպանական արդյունաբերության ոլորտում հեռանկարային ծրագրեր: Ներկայումս Ադրբեջանն ու Թուրքիան համատեղ արտադրում են հրազենի եւ ռազմամթերքի մի քանի տեսակներ:
Tehran Time
Yerevan Time
No comments:
Post a Comment