Օբաման ու Էրդողանը քննարկել են Wikileaks-ը

News.am. 12-12-2010- ԱՄՆ նախագահ Բարաք Օբաման Wikileaks-ի հրապարակումները հեռախոսով քննարկել է Թուրքիայի վարչապետ Էրդողանի եւ Մեքսիկայի նախագահ Կալդերոնի հետ:

Օբաման ափսոսանք է հայտնել Wikileaks-ի գործողությունների կապակցությամբ: Օբաման ու Էրդողանը համաձայնել են, որ գաղտնազերծած փաստաթղթերը չեն ազդի երկու երկրների հարաբերությունների վրա, հաղորդում է Սպիտակ տան մամուլի ծառայությունը:
NEWS.am-ը հաղորդել էր, որ Էրդողանը հերքել է ամերիկացի դիվանագետների հաղորդագրություններում եղած տեղեկությունը, թե ինքը հաշիվներ ունի շվեյցարական բանկերում եւ ներքաշված է կոռուպցիայի մեջ: