News.am. 15-2-2011- Գարեգին Բ Կաթողիկոսի՝ Երեւանում կառուցվելիք նստավայրի եւ դրան կից Սուրբ Աննա եկեղեցու շինարարության համար հայտարարված տենդերի արդյունքներն ամփոփման փուլում են. կառուցապատող ընկերության անունը, ամենայն հավանականությամբ, հայտնի կդառնա արդեն փետրվարի 20-ին։ NEWS.am-ի թղթակցի հետ զրույցում այս մասին տեղեկացրեց Հայաստանում Հրայր Հովնանյանի անձնական ներկայացուցիչ Նաիրա Մելիքյանը՝ ավելացնելով, որ տենդերին մասնակցել են բացառապես հայրենական 7 շինարարական ընկերություններ։«Հետ հանձնված բոլոր փաթեթներն ուսումնասիրվում եւ մշակվում են, տենդերի արդյունքների ամփոփման աշխատանքները բնականոն ընթացքի մեջ են»,- ասաց նա՝ միաժամանակ ավելացնելով, որ կաթողիկոսական նստավայրի եւ կից եկեղեցու շինարարությունը կմեկնարկի 2011 թվականի մարտ 1-ին։ «Կառուցապատումը կավարտվի 2-2,5 տարում, շինթույլտվությամբ մեզ ճիշտ այդքան ժամանակ է տրվել»,- ասաց Նաիրա Մելիքյանը։
Նշենք, որ Երեւանի քաղաքապետարանը Աբովյան 15 հասցեում՝ Կաթողիկե մատուռի տարածքում կաթողիկոսական նստավայրի եւ Սուրբ Աննա եկեղեցու կառուցման շինթույլտվություն տրամադրել էր դեռ 2010 թվականի դեկտեմբերի կեսերին։
Tehran Time
Yerevan Time
No comments:
Post a Comment