Tert.am. 2-2-2011- Լեհաստանում գտնվող Օսվենցիմի համակենտրոնացման ճամբարում կազմակերպված Հոլոքոստի զոհերի հիշատակի ոգեկոչման արարողությանը Թուրքիան իր պատմության մեջ առաջին անգամ մասնակցել է նախարարի մակարդակով։
Թուրքական Hurriyet օրաթերթի փոխանցմամբ՝ Օսվենցիմում կազմակերպված արարողությանը մասնակցել է Թուրքիայի պետնախարար, ԵՄ անդամակցության հարցով Թուրքիայի գլխավոր բանագնաց Էգեմեն Բաղըշը։ Արարողությանը ներկա է գտնվել նաև Եվրոպայի խորհրդի Խորհրդարանական վեհաժողովի (ԵԽԽՎ) նախագահ Մևլութ Չավուշօղլուն։
Հիշեցնենք, որ այս տարի Թուրքիայի Հանրապետության պատմության մեջ առաջին անգամ պաշտոնական մակարդակով ոգեկոչվեց Հոլոքոստի զոհերի հիշատակը։
Հունվարի 27-ին՝ Հրեաների ցեղասպանության զոհերի հիշատակի օրը, Թուրքիայի գլխավոր ռաբբիի և հրեական համայնքի կողմից Նևե Շալոմ սինագոգում կազմակերպված ոգեկոչման արարողությանը Թուրքիայի արտգործնախարարության անունից մասնակցել էր դեսպան Էրթան Թեզգյորը, Ստամբուլի նահանգապետ Հուսեյին Ավնի Մութլուն և քաղաքապետ Քադիր Թոփբաշը։
Նշենք, որ ամեն տարի Հոլոքոստի զոհերի հիշատակման օրը թուրքական իշխանությունները հանդես են գալիս հայտարարությամբ։ Սակայն ոգեկոչման արարողություններին պաշտոնական մակարդակով մասնակցում էին առաջին անգամ։
Հիշեցնենք, որ այս տարի Թուրքիայի Հանրապետության պատմության մեջ առաջին անգամ պաշտոնական մակարդակով ոգեկոչվեց Հոլոքոստի զոհերի հիշատակը։
Հունվարի 27-ին՝ Հրեաների ցեղասպանության զոհերի հիշատակի օրը, Թուրքիայի գլխավոր ռաբբիի և հրեական համայնքի կողմից Նևե Շալոմ սինագոգում կազմակերպված ոգեկոչման արարողությանը Թուրքիայի արտգործնախարարության անունից մասնակցել էր դեսպան Էրթան Թեզգյորը, Ստամբուլի նահանգապետ Հուսեյին Ավնի Մութլուն և քաղաքապետ Քադիր Թոփբաշը։
Նշենք, որ ամեն տարի Հոլոքոստի զոհերի հիշատակման օրը թուրքական իշխանությունները հանդես են գալիս հայտարարությամբ։ Սակայն ոգեկոչման արարողություններին պաշտոնական մակարդակով մասնակցում էին առաջին անգամ։
No comments:
Post a Comment