Թուրքիայում արգելափակել են Blogspot-ը. պոլսահայ համայնքի կայքը նույնպես անհասանելի է դարձել

HayNews.am. 3-3-2011- Թուրքիայում շարունակվում են արգելափակվել կայքերը: Այս անգամ այդ ճակատագիրը բաժին է հասել Blogspot և Blogger բլոգներին: Դիարբեքիրի դատարանի որոշմամբ այս կայքերն արգելվել են Թուրքիայի տարածքում: Blogspot-ի և Blogger-ի արգելափակումը դատարանը մեկնաբանել է հեղինակային իրավունքի խախտումներով:
Blogspot-ում գտնվող պոլսահայերի HyeTert լրատվական կայքը նույնպես դարձել է անհասանելի Թուրքիայի տարածքում, ինչի կապակցությամբ HyeTert-ն իր դժգոհությունն է արտահայտել:
Նշենք, որ տարբեր պատճառներով Թուրքիայում արգելափակված կայքերի թիվն անցնում է 2 հազարը: Արգելափակված կայքերի մեջ է նաև YouTube-ը: