Tert.am. 21-4-2011- «Լեռնային Ղարաբաղի խնդիրը շատ լուրջ հարց է, և ես չեմ ուզում խոսել Լեռնային Ղարաբաղի ժողովրդի անունից, բայց կարծում եմ, որ Ղարաբաղի ժողովուրդը պետք է իրավունք ունենա մասնակցել բանակցային գործընթացին»,- այսօր Հայաստանի Ազգային ժողովում հայտարարեց Մեծ Բրիտանիայի և Հյուսիսային Իռլանդիայի Միացյալ Թագավորության խորհրդարանի բրիտանահայկական համակուսակցական խորհրդարանական խմբի նախագահ, բարոնուհի Քերոլայն Քոքսը:Նա տեղեկացրեց, որ Հայաստան կատարած եռօրյա այցի ընթացքում իրենց պատվիրակության մի մասը եղել է Լեռնային Ղարաբաղում և հանդիպումներ է ունեցել Արցախի նախագահի և ԱԺ նախագահի հետ:
«Ես չէ, որ որպես դրսից եկած մարդ, որպես ոչ ղարաբաղցի պետք է ասեմ, թե ինչպիսի առաջընթաց է եղել, բայց ուզում եմ գովաբանել Ղարաբաղի ժողովրդին առաջընթացի համար: Ղարաբաղում մենք ականատես եղանք և լսեցինք այն ամենի մասին, այն առաջընթացի մասին, ինչը եղել է Մինսկի խմբի գործընթացի շրջանակում, և տեղեկացանք, որ հայերը և Լեռնային Ղարաբաղն է, որ ամենամեծ զիջումներն են արել Մինսկի խմբի գործընթացի ժամանակ: Ես տեսնում եմ, որ հայերը կամք են դրսևորել սկզբունքների հիման վրա առաջ շարժվելու համար, բայց ադրբեջանցիներն էլ պետք է համագործակցեն»,- հայտարարեց բրիտանացի խորհրդարանականը:
Tehran Time
Yerevan Time
No comments:
Post a Comment