Լիբիայից Ադրբեջան

«Լրագիր» 22-8-2011- Freedom House ազդեցիկ իրավապաշտպան կազմակերպությունը հերթական զեկույցն է հրապարակել, որում Ռուսաստանի ներկայիս ղեկավարությանը, մասնավորապես վարչապետ Վլադիմիր Պուտինին մեղադրել է հետխորհդային տարածքում դիկտատորների աճեցման մեջ: “ԱՄՆ կառավարությունը տատանվում էր Ռուսաստանին խիստ քննադատության ենթարկելու հարցում: Եվրոպան ավելի հեռուն է գնացել` անտեսելով անկասելի կոռուպցիան, խաթարված իրավական համակարգը, մամուլի համար դնչկալները և ընդդիմությանը խեղդելը, որոնք էլ բնութագրում են Պուտինի Ռուսաստանը: Նույնը կարելի է ասել նաև մյուս բռնապետերի մասին, որոնք էներգակիրներ են արտահանում` օրինակ, Նուրսուլթան Նազարբաևը Ղազախստանում և Իլհամ Ալիևը Ադրբեջանում”, նշված է հոդվածի մեջ:
Գործող վարչակարգերին տրված իրավապաշտպան գնահատականներից են սկսվել դրանց քանդումը Եգիպտոսում, Լիբիայում, նաև Սիրիայում, որտեղ կրկնվում է Լիբիայի սցենարը: ԱՄՆ-ն դեռևս ամռան սկզբին ակնարկեց, որ Կադաֆիի վարչակարգը կընկնի սեպտեմբերին, իր զորքերն այնտեղ պահելով ևս 2 ամիս: Սիրիայում, չնայած ընտրությունների անցկացման վերաբերյալ տված Ասադի խոստմանը, նույնպես նշվում են վարչակարգի անկման ժամկետները:
Այս ֆոնին հետաքրքիր է, որ իրավապաշտպան կազմակերպությունն ուշադրությունն ուղղել է հետխորհրդային պետություններին, առաջին հերթին` Ռուսաստանին, Ադրբեջանին և Ղազախստանին: Ադյոք այս երկրներում կարելի է սպասել մերձավորարևելյան մատրիցայի կիրառմանը: Եվ ի՞նչ պետք է անի Հայաստանը, որին Freedom House-ը հնարավորություն է տալիս` չներառելով բռնատիրությունների գլխավոր ցուցակում, որոնց աջակցում է Պուտինը: