Panorama.am. 14-6-2011- Անդրադառնալով Մոսկվայի հանդիպումից հետո Հայաստանի և Ադրբեջանի արտգործնախարարների հայտարարություններին առ այն, որ քննարկման ընթացքում հնարավորություն եղավ կողմերի դիրքորոշումները մոտեցնել մի շարք թիրախային հարցերի կապակցությամբ` Голос Армении թերթը նշում է, որ որոշ փորձագետներ այնքան էլ լավատեսորեն չեն տրամադրված և նշում են, որ խնդիր կարող է ծագել ԼՂ միջանկյալ կարգավիճակի շուրջ, որը պետք է ճանաչվի միջազգային հանրության կողմից: Փորձագետների կարծիքով` այն քիչ է տարբերվելու ներկայիս ստատուս-քվոյից: Այս կապակցությամբ ԼՂՀ նախագահի խոսնակ Դավիթ Բաբայանը նշել է, որ Կազանում նախագահների հանդիպման նախօրեին Ադրբեջանը հատուկ քարոզչություն է սկսել և աղավաղում է ԼՂ տարածքում խաղաղարար ուժերի տեղակայման խնդիրը: «Խաղաղարարները կարող են տարածաշրջան մտնել միայն մեկ դեպքում` եթե Ադրբեջանի և Արցախի միջև խաղաղության պայմանագիր կնքվի և բոլոր հարցերը լուծում գտնեն: Երբ Ադրբեջանը ճանաչի Արցախի անկախությունը, այն ժամանակ էլ հնարավոր կլինի հստակեցնել Ադրբեջանի և Արցախի սահմանները»,-ասել է Դ. Բաբայանը:
Tehran Time
Yerevan Time
No comments:
Post a Comment