Ադրբեջանի արտգործնախարարը Ֆրանսիայում կքննարկի ԼՂ հակամարտությունը

7Or.am. 30-6-2011- Ինչպես փոխանցում է «aze.az» կայքը, Ադրբեջանի արտգործնախարար Էլմար Մամեդյարովը հաջորդ շաբաթ աշխատանքային այցով կմեկնի Վատիկան և Ֆրանսիա։

Ֆրանսիայում Ադրբեջանի դեսպանը հայտնել է, որ Մամեդյարովը հուլիսի 6–ին կմեկնի Վատիկան, այնուհետև՝ Ֆրանսիա։
Ադրբեջանի արտաքին քաղաքականության գերատեսչության ղեկավարը հուլիսի 6–7–ը ԵԱՀԿ Լեռնային Ղարաբաղի հիմնախնդրի կարգավորման Մինսկի խմբի համանախագահող երկրի համատեքստում Փարիզում բանակցություններ կվարի ֆրանսիացի գործընկեր Ալեն Ժյուպեի և Ֆրանսիայի պաշտոնատար այլ անձանց հետ։
Հանդիպման ժամանակ կքննարկվի նաև Լեռնային Ղարաբաղի հիմնախնդրի կարգավորման հարցը։