Թուրքական ընդդիմությունը տեղեր է կորցնում. «Էրգենեքոնը» չկարողացավ մտնել խորհրդարան

Tert.am. 23-6-2011- Ստամբուլի քրեական դատարանը չի բավարարել «Էրգենեքոնի» գործով անցնող դոկտ., պրոֆ. Մեհմեդ Հաբերալին և գրող–լրագրող Մուստաֆա Բալբային ազատ արձակելու մասին պահանջը։
Ինչպես տեղեկացնում են թուրքական լրատվամիջոցները, «Էրգենեքոնի» գործով կալանավորված Մեհմեդ Հաբերալն ու Մուստաֆա Բալբայը, ովքեր Ժողովրդա-հանրապետական կուսակցության համամասնական ցուցակով հաղթել էին հունիսի 12-ին տեղի ունեցած խորհրդարանական ընտրություններում, նոր գումարման խորհրդարանում տեղ չեն զբաղեցնի։
Այսպիսով, Թուրքիայի Ազգային մեծ ժողովում 135 տեղ զբաղեցրած Ժողովրդա–հանրապետական ընդդիմադիր կուսակցությունը կորցրեց երկու մանդատ։ Իսկ թե որ կուսակցության ներկայացուցիչները խորհրդարանում կզբաղեցնեն Հաբերալի և Բալբայի տեղերը, առայժմ ոչինչ չի նշվում։