Իրանը ռուսներին ցույց է տվել ամերիկյան կործանված անօդաչու սարքերը

News.am. 29-6-2011- Իրանը ռուս մասնագետներին թույլ է տվել դիտել ենթադրաբար Պարսից ծոցի մերձակայքում խփված ամերիկյան անօդաչու սարքերը։ Այս մասին հայտարարել է Իրանի աէրոտիեզերական ուժերի հրամանատար, բրիգադային գեներալ Ամիր Ալի Խաջիզադեն։

Ռուս փորձագետները խնդրել են ուսումնասիրել այդ անօդաչու սարքերը։ Խաջիզադեն չի պարզաբանել անօդաչու սարքերի թվաքանակն ու տիպը եւ այն,թե որտեղ եւ երբ են դրանք կործանվել։
Հունվարի 2-ին Իրանը հայտարարել էր, որ երկրի օդուժը հարվածել է ԱՄՆ-ի կողմից ուղարկված երկու անօդաչու հետախուզական օդանավ։ «Դրանք ԱՄՆ ռազմածովային ուժերի հեռահար տարածությունների համար նախատեսված վերջին սերնդի անօդաչու սարքեր են»,- Խաջիզադեի խոսքերն է մեջբերել «Ֆարս» գործակալությունը։
ԱՄՆ հինգերորդ ռազմածովային տորմիղը տեղեկայված է Պարսից ծոցի մյուս ափին՝ Բահրեյնում։ Սակայն Վաշինգթոնը ոչ մի անգամ պաշտոնապես չի հաստատել փաստը, որ Իրանը հարվածել է իր անօդաչու օդանավերին։