Panorama.am. 13-7-2011- Թուրքիայի սպորտի նախարարությունը հանդես է եկել հայտարարությամբ, որ Ստամբուլը կարող է հայտ ներկայացնել` կազմակերպելու 2020 թ. ամառային Օլիմպիադան: Սպորտի նախարար Սուաթ Քըլըչի խոսքերով` Թուրքիան նման խոշոր մրցաշարերի համար անհրաժեշտ ենթակառուցվածքներ ունի: Հայտի ներկայացման վերջին ժամկետը հուլիսի 29-ն է: Մոտ ժամանակներս երկրի վարչապետ Ռեջեփ Թայիփ Էրդողանը վերջնական որոշում կկայացնի հայտի ներկայացման և «Օլիմպիադա-2020»-ի կազմակերպման իրավունքի համար պայքարելու մասին:Ավելացնենք, որ հայտի ներկայացման դեպքում Ստամբուլը ստիպված կլինի պայքարել Հռոմի, Մադրիդի և Տոկիոյի հետ: Այսօր տեղեկություն է տարածվել, որ «Օլիմպիադա-2020»-ի կազմակերպմամբ հետաքրքրված է նաև Կատարի մայրաքաղաք Դոհան:
Tehran Time
Yerevan Time
No comments:
Post a Comment