Panorama.am. 27-7-2011- «Իրանա-ադրբեջանական սահմանում վերջերս տեղի ունեցած զինված բախման մեղավորը Ադրբեջանն է: Ադրբեջանցի սահմանապահներն ապօրինաբար մուտք են գործել իրանական տարածք, ուշադրություն չեն դարձրել իրանցի սահմանապահների օրինական նախազգուշացնող կոչերին, որի հետևանքով առաջացած զինված բախման արդյունքում ադրբեջանցի սպա է զոհվել»:Այդ մասին իրանական «ՄԵՀՐ» լրատվական գործակալության հաղորդմամբ` այսօր Իրանի Արևելյան Ազարբայջան նահանգի ոստիկանության հրամանարների հետ հանդիպման ժամանակ հայտարարել է Իրանի ոստիկանական ուժերի հրամանատար, գեներալ Էսմայիլ Ահմադի Մողադամը:
Հիշեցնենք, որ հուլիսի 5-ին Իրանի պաշտոնական «ԻՌՆԱ» լրատվական գործակալությանը տված հարցազրույցում Իրանի ներքին գործերի նախարարի անվտանգության հարցերով տեղակալ Ալի Աբդոլլահին նշել էր. «Իրանա-ադրբեջանական սահմանում տեղի ունեցած միջադեպի պատճառն այն է, որ ադրբեջանական ուժերը անօրինական և անուշադիր պահվածք են դրսևորել Իրանի Իսլամական Հանրապետության սահմանապահների «կանգնիր» հրամանի նկատմամբ` մուտք գործելով իրանական սահմանային տարածք»:
Իրանի ԱԳՆ մամլո խոսնակ Ռամին Մեհմանփարաստը ևս անդրադարձել էր միջադեպին, նշելով, որ սահմանային միջադեպի պատճառն այն է եղել, որ Ադրբեջանի Հանրապետության մի քանի սահմանապահներ մուտք են գործել իրանական սահմանային տարածք:
Իրանի մեջլիսի ազգային անվտանգության և արտաքին քաղաքականության հանձնաժողովի նախագահ Ալաեդդին Բորուջերդիի խոսքով էլ` ադրբեջանցի սահմանապահ սպան զոհվել էր ադրբեջանական կողմի անփութության պատճառով:
Նշենք, որ հուլիսի 3-ին, ժամը 13:15-ի սահմաններում իրանա-ադրբեջանական սահմանային հատվածում փոխհրաձգություն է տեղի ունեցել, որի հետևանքով ադրբեջանցի լեյտենանտ Ռուֆաթ Գուլիևը ծանր վիրավորվել և դեպքի վայրից տարհանման ժամանակ մահացել էր:
Tehran Time
Yerevan Time
No comments:
Post a Comment