Հայաստանն ընդգրկվել է «Աշխարհի կրոնները» նախագծում

News.am. 29-7-2011- Հայաստանում է գտնվում միջազգային «Աշխարհի կրոնները» նախագծի ֆոտոալբոմի համար լուսանկարներ անող հատուկ արշավախումբը։ Մինչեւ օգոստոսի 9-ը արշավախմբի մասնակիցները կայցելեն հոգեւոր, մշակութային, պատմաճարտարապետական եւ այլ տեսարժան վայրեր, կհանդիպեն Գարեգին Բ-ի հետ։
Նախագծի նպատակը լուսանկարների միջոցով աշխարհի կրոնների նկարագրումն ու ներկայացումն է։
Բացի Հայ առաքելական եկեղեցուց, ֆոտոալբոմներ կկազմվեն ուղղափառ եւ կաթոլիկ քրիստոնեության, հինդուիզմի, իսլամի, բուդդիզմի մասին։
Ֆոտոալբոմները կցուցադրվեն Եվրոպայում, Ամերիկայում, Ավստրալիայում եւ Ասիայում։