Մեղուները հարձակվել են թուրքերի վրա. կան վիրավորներ

Tert.am. 1-8-2011- Մեղուների պարսը հարձակվել է թուրքերի վրա, ինչի հետևանքով 6 մարդ տեղափոխվել է հիվանդանոց։

Ինչպես գրում է թուրքական «Միլլիյեթ» օրաթերթը, դեպքը տեղի է ունեցել Թուրքիայի Սաքարյա նահանգի Գեյվե շրջանի Քըզըլքայա գյուղում։ 72-ամյա մեղվաբույծ Էնվեր Չաքմաքն իր տան բակում ենթարկվել է սեփական մեղուների հարձակմանը՝ նրանց շաքարաջուր տալու պահին։
Չաքմաքը փորձել է մեղուների հարձակումից պաշտպանվել՝ թաքնվելով տանը։ Սակայն մեղուների պարսը մեղվաբույծի հետևից մտել է տուն և խայթել ևս 5 մարդու։
Բոլոր տուժածները տեղափոխվել են հիվանդանոց։