Աշխարհի ամենագեր կատուն զրկվել է ռեկորդից

News.am. 1-8-2011- Գինեսի գրքում գրանցված աշխարհի ամենագեր` ԱՄՆ Նյու Ջերսի նահանգից Օտտո կատուն զրկվել է իր կարգավիճակից. նրա առողջական վիճակով մտահոգ անասնաբույժները կատվի համար դիետա են սահմանել: Օտտոն

3 կգ-ով նիհարել է եւ ներկայումս կշռում է 13կգ` նախկին 16-ի դիմաց, ու սկսել է մի քիչ շարժվել:
«Clementon Animal Hospital» հիվանդանոց տեղափոխվելու պահին նա կշռել է ավելի, քան 6-ամյա տղան, եւ կշռով համարժեք է եղել 230-կիլոգրամանոց մարդու քաշին:
Ինչպես հաղորդում է «NBC News»-ը, թեեւ Օտտոն արդեն ռեկորդակիր չէ, սակայն բավական հաճախ է հայտնվում ԱՄՆ հետուստաշոուների եթերում` որպես գիրությամբ տառապող եւ դրա դեմ հաջողությամբ պայքարող կենդանու օրինակ:
Ավելի վաղ աշխարհի ամենագեր կատուն 21,3 կգ կշռող Հիմմին էր: Նա մահացել էր 10 տարեկանում` շնչառական անբավարարությունից: