Ադրբեջանցիները դեմ են Հայաստանի մասնակցությանը

Top-news.am. 12-8-2011- Facebook սոցիալական ցանցում հայտնվել է «Eurovision 2012 Land of Fire» անունը կրող ադրբեջանական խումբ, որի ակտիվիստները դեմ են «Եվրաստեսիլ-2012»-ին Հայաստանի մասնակցությանը, գրում է Asekose.am կայքը: Առայժմ խմբում ընդգրկված անդամների թիվը 111 հոգի է: Վերջիններիս գրառումները հակասության մեջ են այն պնդումների հետ, որոնք հայկական կողմը լսել էր մինչ այժմ: Պաշտոնական Բաքուն հայտարարում էր, որ հայ կատարողի մասնակցության դեպքում երաշխավորվում է նրա անվտանգությունը, սակայն այս խմբում տեղադրված կոչերն ու սպառնալիքները արդեն իսկ կասկածի տակ են դնում նրանց հավաստիացումները: