Իրանը նոր հակատանկային հրթիռներ կարտադրի

Tert.am. 30-8-2011- Իրանի պաշտպանության նախարարությունը հայտարարել է, որ նոր հակատանկային հրթիռների լայնածավալ արտադրություն է սկսում։ Նոր արտադրանքը լրագրողներին անձամբ պաշտպանության նախարարն է ցույց տվել. արկերը հաջողությամբ անցել են բոլոր փորձարկումները։
73 միլիմետրանոց հրթիռներն ի վիճակի են իրենց նշանակետին հասնել մինչև 1300 մետր հեռավորության վրա։
Պաշտպանության նախարարը նաև ասել է, որ նոր արտադրանքն անփոխարինելի է լինելու ցամաքային և մարտավարական գործողությունների ժամանակ։
Ինչպես հաղորդում են ադրբեջանական լրատվամիջոցները, պաշտոնական Թեհրանը հայտարարել է, որ հրթիռները վտանգ չեն ներկայացնում հարևան երկրների համար, քանի որ միայն «պաշտպանական նկատառումներով են օգտագործելու»։