Իշխող Ալիեւների ընտանիքում խժդժություններ են. Իլհամը բոյկոտել է քրոջ միջոցառումը

News.am. 15-11-2011- Հեյդար Ալիեւի դուստրը` Սեվիլ Ալիեւան, միջոցառում է կազմակերպել Մոսկվայում` Իգոր Բութմանի ջազ ակումբում, որտեղ տեղի է ունեցել The Galery of Sevil գործիքային նվագախմբի ալբոմի շնորհանդեսը, գրում է ադրբեջանական «Ազադլըգ» թերթը: Իլհամ Ալիեւի քրոջ կազմակերպած միջոցառումը նվիրված է եղել նրանց ծնողների հիշատակին, սակայն Իլհամ Ալիեւի ընտանիքի անդամներից ոչ ոք չի մասնակցել դրան:
«Հայտնի չէ, թե արդյոք Ալիեւները հրավիրված են եղել միջոցառմանը թե ոչ: Սակայն գաղտնիք չէ, ոչ Սեվիլ Ալիեւայի հարաբերությունները եղբոր` Իլհամ Ալիեւի հետ բավական լարված են: Այդ առումով հավանական է, որ նա եղբորը չհրավիրեր միջոցառմանը: Կամ էլ հակառակը, իշխող ընտանիքը բոյկոտել է Հեյդար Ալիեւի դստեր միջոցառումը»,-գրում է «Ազադլըգը»: