«Լրագիր» 24-11-2011- Նոյեմբերի 23-ից 26-ը հերթական այցով Երևանում է գտնվում ՀՀ ռազմակրթական բարեփոխումներին օժանդակելու նպատակով ՆԱՏՕ-ի հովանու ներքո ձևավորված միջազգային փորձագիտական խումբը: Խմբում ընդգրկված են Ամերիկայի Միացյալ Նահանգների, Կանադայի, Չեխիայի, Լիտվայի, Ռումինիայի, Շվեյցարիայի, ինչպես նաև ՆԱՏՕ-ի ռազմական և քաղաքացիական բաղադրիչների ներկայացուցիչները:
Այցի առաջին օրը ՀՀ պաշտպանության նախարարության վարչական համալիրում կազմակերպված ընդլայնված կազմով քննարկումներն անցան պաշտպանության նախարար Սեյրան Օհանյանի և կրթության և գիտության նախարար Արմեն Աշոտյանի ղեկավարությամբ: Միջազգային փորձագիտական խմբի և ԱՄՆ փոխդեսպան Բրյուս Դոնահյուի մասնակցությամբ կայացած այս հանդիպման ընթացքում ՀՀ ՊՆ Ազգային ռազմավարական հետազոտությունների ինստիտուտի պետ, պաշտպանության նախարարի խորհրդական, գեներալ-մայոր, դոկտոր Հայկ Քոթանջյանը ներկայացրեց ՀՀ ՊՆ Ազգային ռազմավարական հետազոտությունների ինստիտուտի կերպափոխմամբ ՀՀ ՊՆ պաշտպանական ազգային համալսարանի ստեղծման նախագիծը, որի վերաբերյալ ներկաները տվեցին իրենց հարցերն ու մեկնաբանությունները: ՀՀ պաշտպանության նախարար Սեյրան Օհանյանը նշեց, որ Հայաստանը կարևորում է ռազմավարական մակարդակում ռազմական և պաշտպանական անվտանգային կրթություն իրականացնող գիտակրթական այսօրինակ հաստատության ստեղծումը: Նա ընդգծեց հայաստանյան կողմի պատրաստակամությունը` ԱՄՆ-ի գործընկերների հետ շարունակելու համագործակցությունն այս ծրագրի շրջանակներում: ՀՀ կրթության և գիտության նախարար Արմեն Աշոտյանը նշեց, որ իր ղեկավարած գերատեսչությունը պատրաստ է անհրաժեշտ գիտակրթական և կազմակերպական աջակցություն ցուցաբերել Պաշտպանական ազգային համալսարանի ձևավորման գործընթացում:
Նույն օրը փորձագիտական խմբի հետ հանդիպեց ՀՀ պաշտպանության նախարարի առաջին տեղակալ Դավիթ Տոնոյանը` ներկայացնելով ռազմակրթական բարեփոխումների ոլորտում պաշտպանության նախարարության արձանագրած առաջընթացը և փորձագիտական խմբի ուշադրությունը բևեռելով ՀՀ ՊՆ հրամանատարաշտաբային ակադեմիայի ստեղծման ուղղությամբ ընթացող աշխատանքների, ուսումնակրթական ծրագրերի վերանայման, արհեստավարժ սերժանտական համակարգի զարգացման գործում կադրային կառավարման և կրթական ծրագրերի փոխկապակցման և մի շարք այլ հարցերի վրա: Միջազգային փորձագիտական խմբի այցի արդյունքում նախատեսվում է ավարտական տեսքի բերել ավագ սպաների համար նախատեսված հրամանատարաշտաբային դասընթացի ծրագիրը, համաձայնեցնել դասախոսների վերապատրաստման, ուսումնանյութական բազայի արդիականացման և դասավանդվելիք առարկաների բովանդակության հետ կապված հարցերը: Պայմանավորվածություն ձեռք կբերվի նաև Գործընկերություն հանուն խաղաղության ծրագրի շրջանակներում ներկայումս մշակվող սերժանտական կազմի համընդհանուր եվրոատլանտյան ուսումնական ծրագրի (Partnership for Peace Generic NCO Reference Curriculum) մշակման միջազգային գործընթացում ՀՀ պաշտպանության նախարարության մասնակցության վերաբերյալ:
Այցի առաջին օրը ՀՀ պաշտպանության նախարարության վարչական համալիրում կազմակերպված ընդլայնված կազմով քննարկումներն անցան պաշտպանության նախարար Սեյրան Օհանյանի և կրթության և գիտության նախարար Արմեն Աշոտյանի ղեկավարությամբ: Միջազգային փորձագիտական խմբի և ԱՄՆ փոխդեսպան Բրյուս Դոնահյուի մասնակցությամբ կայացած այս հանդիպման ընթացքում ՀՀ ՊՆ Ազգային ռազմավարական հետազոտությունների ինստիտուտի պետ, պաշտպանության նախարարի խորհրդական, գեներալ-մայոր, դոկտոր Հայկ Քոթանջյանը ներկայացրեց ՀՀ ՊՆ Ազգային ռազմավարական հետազոտությունների ինստիտուտի կերպափոխմամբ ՀՀ ՊՆ պաշտպանական ազգային համալսարանի ստեղծման նախագիծը, որի վերաբերյալ ներկաները տվեցին իրենց հարցերն ու մեկնաբանությունները: ՀՀ պաշտպանության նախարար Սեյրան Օհանյանը նշեց, որ Հայաստանը կարևորում է ռազմավարական մակարդակում ռազմական և պաշտպանական անվտանգային կրթություն իրականացնող գիտակրթական այսօրինակ հաստատության ստեղծումը: Նա ընդգծեց հայաստանյան կողմի պատրաստակամությունը` ԱՄՆ-ի գործընկերների հետ շարունակելու համագործակցությունն այս ծրագրի շրջանակներում: ՀՀ կրթության և գիտության նախարար Արմեն Աշոտյանը նշեց, որ իր ղեկավարած գերատեսչությունը պատրաստ է անհրաժեշտ գիտակրթական և կազմակերպական աջակցություն ցուցաբերել Պաշտպանական ազգային համալսարանի ձևավորման գործընթացում:
Նույն օրը փորձագիտական խմբի հետ հանդիպեց ՀՀ պաշտպանության նախարարի առաջին տեղակալ Դավիթ Տոնոյանը` ներկայացնելով ռազմակրթական բարեփոխումների ոլորտում պաշտպանության նախարարության արձանագրած առաջընթացը և փորձագիտական խմբի ուշադրությունը բևեռելով ՀՀ ՊՆ հրամանատարաշտաբային ակադեմիայի ստեղծման ուղղությամբ ընթացող աշխատանքների, ուսումնակրթական ծրագրերի վերանայման, արհեստավարժ սերժանտական համակարգի զարգացման գործում կադրային կառավարման և կրթական ծրագրերի փոխկապակցման և մի շարք այլ հարցերի վրա: Միջազգային փորձագիտական խմբի այցի արդյունքում նախատեսվում է ավարտական տեսքի բերել ավագ սպաների համար նախատեսված հրամանատարաշտաբային դասընթացի ծրագիրը, համաձայնեցնել դասախոսների վերապատրաստման, ուսումնանյութական բազայի արդիականացման և դասավանդվելիք առարկաների բովանդակության հետ կապված հարցերը: Պայմանավորվածություն ձեռք կբերվի նաև Գործընկերություն հանուն խաղաղության ծրագրի շրջանակներում ներկայումս մշակվող սերժանտական կազմի համընդհանուր եվրոատլանտյան ուսումնական ծրագրի (Partnership for Peace Generic NCO Reference Curriculum) մշակման միջազգային գործընթացում ՀՀ պաշտպանության նախարարության մասնակցության վերաբերյալ:
Tehran Time
Yerevan Time
No comments:
Post a Comment