News.am. 14-11-2011- Մեծ Բրիտանիան օժանդակում է ղարաբաղյան հակամարտության կարգավորման շուրջ ընթացող բանակցություններին ԵԱՀԿ Մինսկի խմբի ձեւաչափով եւ հույս ունի, որ բանակցությունների շնորհիվ կհաջողվի հասնել խաղաղության: Այդ մասին հայտարարել է Հայաստանում Մեծ Բրիտանիայի Արտակարգ եւ Լիազոր դեսպան Չարլզ Լոնսդեյլը նոյեմբերի 14-ին տեղի ունեցած ասուլիսի ժամանակ: Հիշեցնենք, որ անգլիացի դիվանագետը ավարտում է իր չորսամյա առաքելությունը ընթացիկ տարվա վերջին:Նրա խոսքով, պաշտոնական Լոնդոնը կցանկանար տեսնել խաղաղության պայմանագրի եզրակացությունը: «Բայց դա առաջին հերթին կապված է երկու կառավարություններից»,-նշել է դեսպանը` հավելելով, որ համաձայնագիրը չի ստորագրվել, կատարվել է լայնամասշտաբ աշխատանք, ստեղծվել է որոշակի բազա վերոնշյալ համաձայնագրի համար: Բայց դրա ստորագրումը եւս քաղաքական կամք է պահանջում, նշել է դեսպանը:
Նա հիշեցրել է, որ Մեծ Բրիտանիան բանակցությունների մասնակից չէ, եւ այդ ենթատեքստում շեշտել է նախագծերի իրականացման անհրաժեշտությունը, որոնք ուղղված են քաղաքացիական հասարակությունների մերձեցմանը, մասնավորապես կարծրատիպերի վերացմանը: «Շատ կարեւոր է դուրս բերել երիտասարդությանը թշնամության մթնոլորտից, օգնել կապերի հաստատմանը»,-նշել է դեսպանը` հավելելով, որ դրա համար ժամանակ է պահանջվում, սակայն նման մոտեցումը հիմք է ստեղծում ապագայում արդյունքների հասնելու համար:
Tehran Time
Yerevan Time
No comments:
Post a Comment