Թուրք բժիշկները վիրահատարանում իրար են ծեծել

News.am. 15-12-2011- Թուրքիայի ամենահայտնի բժշկակական կենտրոններից մեկի վիրահատարանում բժիշկները վիրահատվող հիվանդի ներկայությամբ ծեծկռտուք են սարքել։

Թուրքական Posta-ի փոխանցմամբ՝ Ստամբուլի Քարթալ Քոշույոլուի հետազոտական հիվանդանոցում վիրահատությունից առաջ հիվանդը չի պահպանել անեսթեզիոլոգի պահանջը եւ ջուր է խմել, ինչի հետեւանքով բժիշկը չի քնեցրել հիվանդին՝ առաջարկելով մի քիչ սպասել։ Այդ ընթացքում վիրահատարան է մտել վիրահատության պատասխանատու բժիշկը, ով իմանալով որ հիվանդին չեն քնեցրել, հարձակվել է անեսթոզիոլոգի վրա։ Վիրահատարանում աղմուկի ձայներ լսած բժիշկները ներս են մտել եւ իրարից բաժանել կռվողներին։
Վիրահատության պատասխանատու բժիշկը դիմել է ոստիկանություն։