News.am. 13-12-2011- Թուրքիան պետք է ներողություն խնդրի Հայոց ցեղասպանության համար, նախքան որեւէ մեկից ներողություն պահանջելը: Այս մասին հայտարարել է Հարվարդի իրավունքի դպրոցի պրոֆեսոր, հայտնի իրավաբան Ալան Դերշովիցը, հանդես գալով Թել Ավիվում ընթացող կոնֆերանսի ժամանակ:Նա խիստ քննադատության է ենթարկել Թուրքիայի վարչապետ Ռեջեփ Թայիփ Էրդողանին` նրա կողմից 2010-ի մայիսին «Ազատության նավատորմի» հետ կապված միջադեպի համար ներողություն պահանջելու համար, հաղորդում է իսրայելական Arutz Sheva կայքը:
«Թուրքիան երբեք ներողություն չի խնդրել Հայոց ցեղասպանության համար: Նման դեպքում, միթե դա լկտիություն չէ, ինչ-որ մեկից ներողություն պահանջելը»,-ընդգծել է նա:
Պրոֆեսորը նաեւ նշել է, որ Իսրայելի նկատմամբ կրկնակի ստանդարտներ են կիրառվում, այն դեպքում, երբ կան երկրներ, որոնք շատ ավելի մեղավոր են Թել Ավիվի դեմ ներկայացված մեղադրանքներում:
Tehran Time
Yerevan Time
No comments:
Post a Comment