«Չորրորդ ինքնիշխանություն». Ղարաբաղում տղամարդկանց մեկ տարուց ավելի վիզա չեն տալիս

Չորրորդ ինքնիշխանությունը» հղում անելով ԼՂՀ իր աղբյուրներին, գրում է, որ արդեն բավական ժամանակ է, ինչ ԼՂՀ ոստիկանության անձնագրերի վարչությունը Արցախի քաղաքացիներին տարբեր կերպ է տրամադրում այսպես կոչված ելքի արտոնագիրը։ Ըստ թերթի աղբյուրների, եթե իգական սեռի ներկայացուցիչներին արտոնագիրը տրամադրվում է ըստ վերջիններիս ցանկության՝ մեկ, երեք կամ հինգ տարով, ապա արական սեռի ներկայացուցիչներին ելքի արտոնագիր են տրամադրում միայն մեկ տարով։ Այսինքն, արտերկրում գտնվող Արցախի արական սեռի քաղաքացիները պետք է ամեն տարի վերադառնան Արցախ՝ նոր արտոնագիր ստանալու համար։ Բնականաբար, որոշ տղամարդկանց համար, այնուամենայնիվ, կարգը խախտվում է։, սակայն, մեծամասնությամբ, գործում է մեկ տարով արտոնագիր տրամադրելու կարգը։ Ի դեպ, շատերը այս նոր քաղաքականությունը բացատրում են նրանով, որ ԼՂՀ իշխանությունները ամեն ինչ անում են, որպեսզի Ղարաբաղում մշտապես ինչ-որ թվաքանակով տղամարդիկ գտնվեն։ Հարց է առաջանում միայն, թե ԼՂՀ իշխանությունների ինչի՞ն է պետք այնպես անել, որ ղարաբաղցի տղամարդիկ չբացակայեն երկրից, գրում է թերթը։