Կոնգրեսում Հայոց ցեղասպանության բանաձեւի հայտնի պաշտպաններից մեկը լքել է պաշտոնը

News.am. 26-1-2012- ԱՄՆ կոնգրեսական Գաբրիել Գիֆորդսը լքել է պաշտոնը` շարունակելու համար բուժումը: Նա հարձակման էր ենթարկվել անցած տարի: Ինչպես հաղորդում է BBC Russian-ը, կոնգրեսականները մի քանի րոպե հոտնկայս ողջունել են Գիֆորդսին, երբ նա ներկայացրել է հրաժարականի մասին իր նամակը: Ինչպես տեղեկացրել էր NEWS.am-ը, Արիզոնայից դեմոկրատ կոնգրեսական Գաբրիել Գիֆորդսը վիրավորվել էր անցած տարի հունվարի 8-ին Տուսոնում` հրապարային միջոցառման ժամանակ: Անհայտ անձը մոտեցել էր նրան եւ կրակել: Հանցագործը` 22-անյա Ջարեդ Լի Լոֆները, սպանել էր 6 մարդու, ավելի քան 10 մարդ վիրավորվել էր: Արիզոնայի դատարանը Լոֆներին անմեղսունակ էր ճանաչել: Նշենք, որ Գիֆորդսը Հայոց ցեղասպանության մասին բանաձեւի կողմնակիցներից էր: