Դանիական դատարանը հրաժարվել է փակել քրդական Roj TV-ն

News.am. 10-1-2012- Կոպենհագենի քաղաքային դատարանը որոշում է կայացրել քրդական Roj TV-ի դեմ ներկայացված դատական հայցով։ Fırat գործակալության փոխանցմամբ՝ դանիական դատարանը Roj TV-ին մեղավոր է ճանաչել PKK-ի օգտին քարոզչություն իրականացնելու մեջ, սակայն հրաժարվել է բավարարել հեռուստաընկերությունը փակելու հայցը։ Դատարանը Roj TV-ին տուգանել է 65 հազար կրոն (11 հազար դոլար)` Դանիայի ահաբեկչության դեմ պայքարի օրենքը խախտելու համար։ Թուրքիայում այս որոշումը մեծ դժգոհություն է առաջ բերել։