Իսրայելական հետախուզությունն Իրանին հետևում է Ադրբեջանից. մամուլ

Tert.am. 12-2-2012- Իսրայելական հետախուզության` Մոսադի տասնյակ գործակալներ գտնվում են Ադրբեջանում` Իրանի մասին տեղեկություններ հավաքելու նպատակով: Ինչպես հաղորդում է London Times-ը` վկայակոչելով Մոսադի գործակալի, ով ներկայացել է Շիմոն անվամբ, գործակալներին հաջողվում է մեծ քանակությամբ տեղեկություն կորզել իրանական սահմանը հատող մարդկանցից: Հաղորդագրության համաձայն` գործակալի և London Times-ի թղթակցի հանդիպումը կայացել է Բաքվում` Իսրայելի դեսպանատնից քիչ հեռու: Նա պատմել է, որ այն շրջանը, որտեղ նա աշխատում է, անվանում են «մոխրագույն հետախուզական գործողությունների գոտի»: Ադրբեջանցի քաղաքագետ Զարդուշտ Ալիզադեն հրատարակությանը հայտնել է, որ Բաքվում լրտեսական ցանցերի գոյության մասին գիտեն բոլորը: «Միակ գաղտնիքը կայանում է նրանում, թե որքան գումար են նրանք, որպես կաշառք, վճարել Ադրբեջանի կառավարությանը»,- ասել է նա: Իրանի քաղաքացիների մոտ 16%-ն ազգությամբ ադրբեջանցիներ են և օգտվում են երկու երկրների միջև անանցագրային ռեժիմից: