Թուրքիայում քուրդ գործիչների նոր ձերբակալություններ են սկսվել

News.am. 4-2-2012- Թուրքիայի 7 նահանգներում փետրվարի 4-ի առավոտյան ոստիկանությունը համաժամանակյա գործողությունների արդյունքում ձերբակալել է մոտ 40 քուրդ գործիչների։ Firat գործակալության փոխանցմամբ՝ ոստիկանությունը գործողություններն իրականացրել է KCK (Քուրդիստանի հասարակությունների միություն) գործի շրջանակներում։ Նշվում է, որ ձերբակալվածների մեծ մասը քրդական «Խաղաղություն եւ ժողովրդավարություն» (BDP) կուսակցության անդամներ են։ Ձերբակալվել են նաեւ քրդական DIHA լրատվական գործակալության եւ Azadiya Welat թերթի լրագրողներ։