Թուրքիայում ապրիլի 24-ին հիշատակի միջոցառումներ կանցկացվեն

Tert.am. 13.04.2012- Թուրքիայում գործող երկու կազմակերպություններ նախատեսում են Ապրիլի 24-ին Թուրքիայում Օսմանյան կայսրությունում 1915 թ.-ին հայերի «սպանություններին և աքսորին» 97-ամյակին նվիրված միջոցառումներ անցկացնել: «Հայոց ցեղասպանության ճանաչումը բարոյական, իրավական, քաղաքական և սոցիալական պարտականություն է»,- «Հուրրիյեթ»-ի հետ զրույցում ասել է «Մարդու իրավունքների կազմակերպության» անդամ Այշե Գյունայսուն: Հիմնական միջոցառումը տեղի կունենա Ստամբուլի Թաքսիմ հրապարակում` «Ասենք «ոչ ռասիզմին» կարգախոսով: Ցեղասպանությանը նվիրված հիշատակի միջոցառումներ կանցկացվել նաև Անկարայում և Իզմիրում: «Ստերը չեն կարող հավերժ շարունակվել, եթե մենք ցանկանում ենք տեսնել ճշմարտությունը»,- ասել է Գյունայսուն: Նա նաև նշել է, որ անցյալի այդ վշտի ճանաչումը կհանգեցնի Թուրքիայի իրական ժողովրդավարացմանը, «Ռասիզմն ու ատելությունը կկորչեն ոտքերի տակ, և մենք կկարողանանք մոտենալ մարդկային կյանքին», - շեշտել է Գյունայսուն: Նա նաև ուշադրություն է հրավիրել թուրքական բանակում սպանված հայազգի զինծառայող Սևակ Շահին Բալըքչըյի սպանությանը, որը տեղի է ունեցել անցյալ տարի` ապրիլի 24-ին: